پشاور میں پولیو کا ایک اور کیس سامنے آ گیا 18ماہ کی عافیہ میں پولیو وائرس کی تصدیق ہو گئی

• پشاور میں پولیو کا ایک اور کیس سامنے آ گیا 18ماہ کی عافیہ میں پولیو وائرس کی تصدیق ہو گئی 

محکمہ صحت ذرائع کے مطابق پشاور کی یونین کونسل شیخان کے علاقے فقیر آباد کے رہائشی ٹرک ڈرائیور لال محمد کی 18ماہ کی بچی عافیہ کے ٹیسٹ لیبارٹری بھجوائے گئے تھے جس کی رپورٹ آنے کے بعد بچی میں پولیو وائرس کی تصدیق ہو گئی بچی کے والدین کے مطابق بچی کو پولیو سے بچاﺅ کے قطرے پلائے جا رہے ہیں اس کے با وجود بچی پولیو کا شکار ہوئی پولیو کا نیا کیس سامنے آنے کے بعد پاکستان بھر میں پولیو کیسز کی تعداد 36جبکہ خیبر پختونخوا میں پولیو کیسز کی تعداد 15ہو گئی ہے۔

آج نیوز پشاور

ڈاکٹر شکیل آفریدی کے وکیل سمیع اللہ آفریدی پر قاتلانہ حملہ سمیع اللہ آفریدی موقع پر جاں بحق

ڈاکٹر شکیل آفریدی کے وکیل سمیع اللہ آفریدی پر قاتلانہ حملہ سمیع اللہ آفریدی موقع پر جاں بحق خیبر پختونخوا بار کونسل نے پورے صوبے مین عدالتی بائیکاٹ کا اعلان کر دیا

 پولیس کے مطابق تھانہ متھرا کے علاقے جاگ کورونہ میں نا معلوم موٹر سائیکل سوروں نے فائرنگ کر کے ڈاکٹر شکیل آفریدی کے وکیل سمیع اللہ آفریدی کو قتل کر دیا ڈاکٹر شکیل آفریدی کے وکیل سمیع اللہ آفریدی اپنے گھر واقع جاگ کورونہ متھرا جا رہے تھے سمیع اللہ آفریدی کو شکیل آفریدی کیس کی وجہ سے دھمکیاں مل رہی تھیں جس کی وجہ سے وہ ملک چھوڑ کر بیرون ملک منتقل ہو گئے تھے اور حال ہی میں وہ واپس ملک آئے تھے ان کی غیر موجودگی میں ڈاکٹر شکیل آفریدی کیس میں قمر ایڈو کیٹ پیش ہو رہے تھے آج جب سمیع اللہ آفریدی اپنے گھر جا رہے تھے کہ راستے میں نا معلوم موٹر سائیکل سواروں نے ان پر فائرنگ کر دی جس سے وہ موقع پر ہی جاںبحق ہو گئے سمیع اللہ آفریدی کے قتل کے خلاف خیبر پختونخوا بار کونسل نے صوبہ بھر میں عدالتی بائیکاٹ کا اعلان کر دیا جبکہ ہائیکورٹ بار ایسوسی ایشن نے 3روزہ سوگ کا اعلان کیا ہے

وزیر اعلیٰ خیبر پختونخوا پرویز خٹک نے پولیس فورس کی لاجسٹک ضروریات کیلئے درکار پانچ کروڑ روپے کی فوری منظوری حکمہ ماحولیات میں پولیس کی طرز پر ایلیٹ فارسٹ فورس کا قیام کا اعلان کر دیا

وزیر اعلیٰ خیبر پختونخوا پرویز خٹک نے پولیس فورس کی لاجسٹک ضروریات کیلئے درکار پانچ کروڑ روپے کی فوری منظوری دیتے ہوئے محکمہ ماحولیات میں پولیس کی طرز پر ایلیٹ فارسٹ فورس کا قیام کا اعلان کر دیا

 نوشہرہ میں پولیس ٹریننگ سکول میں زیر تربیت مردوخواتین پولیس کمانڈوزکی تربیتی مشقوں کے بعد میڈیا سے گفتگو میں وزیر اعلیٰ پرویز خٹک کا کہنا تھا کہ یہ بات کو خوش آئند قرار دیا کہ ہماری خواتین اور مرد پولیس کمانڈوز کو آرمی کی طرز پر جدید تربیتی سہولیات سے آراستہ کیا گیاہے جن میں آرپی جی سیون، آر پی جی 12.7 اوراے جی ایل جیسے بھاری اور دور ماراسلحے کا استعمال شامل ہے اسی طرح دہشت گردوں اور جرائم پیشہ عناصر سے نمٹنے کی اضافی مہارت کی بدولت ہماری پولیس فورس کی کارکردگی کو چار چاند لگ جائیں گے وزیر اعلیٰ نے مزیدکہا کہ محکمہ ماحولیات میں پولیس کی طرز پر ایلیٹ فارسٹ فورس کا قیام بھی عمل میں لایا جارہا ہے جس کیلئے ابتدائی مرحلے میں پولیس ایلیٹ فورس کے جوانوں کو ڈیپوٹیشن پر تعینات کیا جائے گا تاکہ وہ ٹمبر مافیا جیسے طاقتور سماج دشمن عناصر کا مقابلہ کرسکیں اور ہمارے شہروں اور دیہات میں بسنے والے انسانوں اور جانوروں کو آکسیجن مہیا کرنے والے جنگلات کا تحفظ یقینی بنایا جا سکے وزیر اعلیٰ نے اس موقع پر ایلیٹ فورس کیلئے 15 ہزار روپے ماہانہ خصوصی الاﺅنس اور فورس میں مزید اضافے کی منظوری بھی دی۔

جماعت اسلامی نے سینیٹ انتخابات کے لئے سراج الحق کو امیدوار نامزد کرنے کا فیصلہ کر لیا

جماعت اسلامی نے سینیٹ انتخابات کے لئے سراج الحق کو امیدوار نامزد کرنے کا فیصلہ کر لیا ،سینیٹ الیکشن میں جماعت اسلامی اور تحریک انصاف ایک دوسرے سے تعاون کریں گی

ذرائع کے مطابق جماعت اسلامی نے سینیٹ کے الیکشن میں جماعت اسلامی پاکستان کے امیر سراج الحق کو سنینیٹ کا امیدوار نامزد کرنے کا فیصلہ کر لیا گیا ہے سراج الحق کی نامزدگی کے حوالے سے با قاعدہ اعلان کل کیا جائے گا جماعت اسلامی نے سراج الحق کے کورنگ امیدوار میں جماعت اسلامی خیبر پختونخوا کے امیر پروفیسر ابراہیم کو نامزد کیا گیا ہے جبکہ پرویز مسیح اقلیتی امیدوار ہوں گے ذرائع کے مطابق سینیٹ الیکشن میں جماعت اسلامی اور تحریک انصاف ایک دوسرے سے تعاون کریں گی اسی حوالے سے جماعت اسلامی کے پارلیمانی بورڈ کے اجلاس میں خیبر پختونخوا میں جماعت اسلامی کے ارکان کو بھی اعتماد میں لینے کا فیصلہ کر لیا گیا ہے 

خیبر پختونخوا میں سینیٹ کی ٹکٹوں کی تقسیم پر اختلافات پیر صابر شاہ متبادل امیدوار نامزدہونے پر ناراض ہو گئے کل پریس کانفرنس میں آئندہ کا لائحہ عمل بتائیں گے

خیبر پختونخوا میں سینیٹ کی ٹکٹوں کی تقسیم پر اختلافات پیر صابر شاہ متبادل امیدوار نامزدہونے پر ناراض ہو گئے کل پریس کانفرنس میں آئندہ کا لائحہ عمل بتائیں گے

ذرائع کے مطابق خیبر پختونخوا میں سینیٹ کے ٹکٹوں کی تقسیم پر صوبے میں پارٹی کے اندر اختلافات شروع ہو گئے پاکستان مسلم لیگ (ن) نے سینیٹ کی ٹیکنو کریٹ کی نشست کے لئے سلیم سیف اللہ کو جبکہ جنرل نشست پر اقبال ظفر جھگڑا کو اپنا امیدوار نامزد کیا ہے جبکہ مسلم لیگ (ن) کے صوبائی صدر پیر صابر شاہ کو جنرل سیٹ پر متبادل امیدوار نامز د کیا گیا ہے جس پر پیر صابر شاہ ناراض ہو گئے پیر صابر شاہ کا کہنا تھا کہ پارٹی نے مجھے متبادل امیدوار کے طور پر نامزد کیا ہے اور پارٹی کے صوبائی صدر کو متبادل امیدوار بنانا کارکنوں کی توہین ہے ان کا کہنا تھا کہ پارٹی کی توہین اور قیادت کی حکم عدولی سے بچنا چاہتا ہوں اس لئے درمیانی راستہ نکالنے کی کوشش کرونگا،قیادت سے رابطے کی کوشش میں ہوںذرائع کے مطابق پاکستان مسلم لیگ (ن) کے صوبائی صد پیر صابر شاہ کل پریس کانفرنس میں آیندہ کے لائحہ عمل کا اعلان کریں گے۔ 

پشاور کے علاقے تہکال میں گیس لیکج کے باعث میاں، بیوی اور بچے سمیت 3 افراد زخمی ہو گئے

پشاور کے علاقے تہکال میں گیس لیکج کے باعث میاں، بیوی اور بچے سمیت 3 افراد زخمی ہو گئے

 پولیس کے مطابق تہکال کے علاقے میں بلال نامی شخص کے گھر میں گیس لیکج کے باعث آگ لگنے سے 3 افراد جھلس کر زخمی ہو گئے۔زخمیوں میں گھر کا مالک بلال، بیوی افشاں اور ایک بچہ سہیل شامل ہے۔تینوں زخمیوں کو فوری طبی امداد کے لیے خیبر ٹیچنگ ہسپتال منتقل کر دیا گیا جہاں پر اُن کی حالت تشویش ناک ہے جبکہ ہسپتال میں سہولیات نہ ہونے کے باعث تینوں زخمیوں کو شدید مشکلات کا سامنا ہے۔

قبائلی علاقوں سے جڑے ہونے کے باعث دہشتگردوں کے نشانے پر ہونے کے باوجود صوبائی دارالحکومت پشاور کے سب سے بڑے تدریسی ہسپتال لیڈی ریڈنگ سمیت شہر کے دیگر ہسپتالوں میں سیکیورٹی ناپید ہے ہسپتال میں سیکورٹی کے لئے صرف 20پولیس اہلکار تعینات انتظامیہ کا صرف دعوﺅں اور یقین دہانیوں پر اکتفا

قبائلی علاقوں سے جڑے ہونے کے باعث دہشتگردوں کے نشانے پر ہونے کے باوجود صوبائی دارالحکومت پشاور کے سب سے بڑے تدریسی ہسپتال لیڈی ریڈنگ سمیت شہر کے دیگر ہسپتالوں میں سیکیورٹی ناپید ہے ہسپتال میں سیکورٹی کے لئے صرف 20پولیس اہلکار تعینات انتظامیہ کا صرف دعوﺅں اور یقین دہانیوں پر اکتفا

سکولوں کو تو سیکیورٹی فراہم کردی گئی تاہم ہسپتالوں کی سیکیورٹی تاحال سوالیہ نشان ہے، عوامی آمد و رفت کی سب سے بڑی جگہیں اب تک عدم تحفظ کا شکار ہیں صوبائی حکومت نے 12جنوری کو ہونے والے کابینہ اجلاس میں ہسپتالوںکی سیکورٹی انتظامات کرنے کا فیصلہ کیا گیا تھا لیکن تاحال صوبے کے سب سے بڑے لیڈی ریڈنگ ہسپتال میں سیکورٹی سوالیہ نشان بن چکا ہے ہسپتال میں سیکورٹی کے لئے 20پولیس اہلکار تعینات کئے گئے ہیں جبکہ ہسپتال کے 6مرکزی گیٹوں پر نہ ہی واک تھرو گیٹ ہے اور نہ ی چیکنگ کا کوئی مناسب بندو بست عوامی آمد و رفت کی سب سے بڑی جگہیں اب تک عدم تحفظ کا شکار ہیں پشاور کا لیڈی ریڈنگ ہسپتال ہی نہیں دیگر چھوٹے بڑے سرکاری و پرائیوٹ ہسپتال سیکیورٹی سے محروم ہےںپشاور کے ہسپتال انتہائی حساس ہیں اس کے باوجود نجی کلینکس سے بڑے سرکاری ہسپتالوں تک کہیں بھی سی سی ٹی وی کیمرے،واک تھرو گیٹس یا سیکیورٹی گارڈز کا نام ونشان نظر نہیں آتا،دہشت گردی کے خلاف جنگ میں ہسپتالوں میں سیکیورٹی انتظامات کا فقدان حکومت کیلئے سوالیہ نشان ہے خیبر پختونخوا کے ہسپتالوں میں بھی ڈاکٹرز عدم تحفظ کا شکار ہیں ڈاکٹروں کی ٹارگٹ کلنگ اور اغوا برائے تاوان معمول بن چکی ہے ڈاکٹرز نے احتجاج بھی کیا ہے مگر اب تک حکومت نے ڈاکٹروں کو تحفظ فراہم کرنے کیلئے کوئی اقدامات نہیں کئے

صوبائی حکومت کی جانب سے ہیلتھ ایکٹ 2014ءکے خلاف ڈاکٹر ایک بار پھر سراپا احتجاج بن گئے

صوبائی حکومت کی جانب سے ہیلتھ ایکٹ 2014ءکے خلاف ڈاکٹر ایک بار پھر سراپا احتجاج بن گئے لیڈی ریڈنگ ہسپتال سے صوبائی اسمبلی تک مارچ حکومت کو مطالبات کے حق کے لئے 2دن کی ڈیڈ لائن دے دی

صوبائی حکومت کی جانب سے ہیلتھ ایکٹ 2014ءاور پوسٹ گریجویٹ میڈیکل انسٹیٹیوٹ کے خاتمے کے خلاف پشاور کے ڈاکٹر ایک بار پھر سراپا احتجاج بن گئے ڈاکٹروں نے اپنے مطالبات کے حق میںاحتجاجی ریلی نکالی اور صوبائی اسمبلی کے سامنے دھرنا دے دیا ڈاکٹروں کا کہنا ہے کہ صوبائی حکومت 2سال سے ڈاکٹروں کے مطالبات نہیں مان رہی ہے نہ ہی اس حوالے سے کوئی نوٹس لے رہی ہے جس کے خلاف ہم بار بار احتجاج کر رہے ہیں لیکن حکومت ہمیں صرف یقین دہانیاں ہی کروا رہی ہے ڈاکٹرز کا کہنا تھا کہ ہیلتھ ایکٹ میں ڈاکٹروں کو ریلیف دے کر ہسپتالوں میں پریکٹس تو ختم کر دی گئی لیکن عوام کے لئے اس میں بہت سے مسائل ہیں ان کا کہنا تھا کہ عمران خان نے ہیلتھ ایکٹ کے حوالے سے ڈاکٹروں پر مشتمل جو کمیٹی بنائی تھی اس کی جانب سے کی جانے والی ترامیم اور سفارشات میٹنگ میں مان لی گئیں تھیں لیکن جب بل اسمبلی میں پیش کیا گیا تو ان میں سے کوئی سفارشات اس بل میں شامل نہیں تھیں حکومت نے اپنی من مانی ترامیم اور سفارشات اس میں شامل کر کے بل پیش کیا ڈکٹروں نے حکومت کو 2دن کی ڈیڈ لائن دیتے ہوئے دھرنا ختم کر دیا ان کا کہنا تھا کہ اگر 2دن تک مطالبات تسلیم نہ ہوئے تو جمعے کے روز ایک بار پھر صوبائی اسمبلی کے سامنے دھرنا دیا جائے گا ۔

خیبرپختونخوا حکومت نے کالعدم تحریک طالبان پاکستان کے امیر ملا فضل اللہ اور لشکر اسلام کے امیر منگل باغ سمیت 615 دہشتگردوں کے سروں کی قیمت مجموعی طور پر 77 کروڑ روپے مقرر کردی۔

خیبرپختونخوا حکومت نے کالعدم تحریک طالبان پاکستان کے امیر ملا فضل اللہ اور لشکر اسلام کے امیر منگل باغ سمیت 615 دہشتگردوں کے سروں کی قیمت مجموعی طور پر 77 کروڑ روپے مقرر کردی۔

 صوبائی محکمہ داخلہ نے کال عدم تحریک طالبان کے امیر ملا فضل اللہ اور لشکر اسلاکے امیر منگل باغ سمیت انتہائی مطلوب دہشتگردوں کے سروں کی قیمت مقرر کردی جب کہ اس حوالے سے اعلامیہ بھی جاری کردیا گیا ہے۔ اعلامیئے کے مطابق کالعدم تحریک طالبان پاکستان کے امیرملا فضل اللہ، منگل باغ، ڈی آئی خان جیل توڑنے میں ملوث قاری بشیراور سمیع اللہ کے سروں کی قیمت ایک ایک کروڑ روپے مقرر کی ہے جب کہ دیگر انتہائی مطلوب 15 دہشتگردوں کے سروں کی قیمت 50،50 لاکھ روپے مقرر کی گئی ہے۔ صوبائی محکمہ داخلہ کے اعلامیئے کے مطابق انتہائی مطلوب دہشتگردوں کا تعلق پشاور، مردان، چارسدہ، نوشہرہ، سوات سمیت 22 اضلاع اور ملحقہ قبائلی علاقوں سے ہے جنہیں مقامی عدالتوں نے انتہائی مطلوب دہشتگرد قراردیاتھا۔ واضح رہے کہ کالعدم تحریک طالبان پاکستان کے امیر ملا فضل الرحمان شمالی وزیرستان میں آپریشن ضرب عضب کے آغاز سے قبل افغانستان فرار ہوگئے تھے جب کہ پاکستان کی جانب سے کئی بار ان کی حوالگی کا مطالبہ کیا جا رہا ہے

خیبر پختونخوا حکومت نے ایک بار پھر میرٹ کی دھجیاں اڑا دیں صوبے میں بغیر اشتہار کے 1ہزار 353افراد کو محکمہ صحت اور جیل خانہ جات میں بھرتی کر دیا گیا

خیبر پختونخوا حکومت نے ایک بار پھر میرٹ کی دھجیاں اڑا دیں صوبے میں بغیر اشتہار کے 1ہزار 353افراد کو محکمہ صحت اور جیل خانہ جات میں بھرتی کر دیا گیا

صوبائی حکومت نے بغیر اشتہار کے محکمہ صحت میں899افراد بھرتی کئے جن میں صوبائی وزیر صحت شہرام ترکئی اور سپیکر خیبر پختونخو ا اسمبلی اسد قیصر کے آبائی ضلع صوابی میں 85افراد وزیر اعلیٰ خیبر پختونخوا پرویز خٹک کے حلقہ نوشہرہ میں 79پشاور میں 72،چارسدہ میں 87،سوات میں 90،بنوں میں 123اور جماعت اسلامی کے مرکزی امیر سراج الحق کے آبائی ضلع دیر لوئر کے ہسپتالوں میں 75ملازمین بھرتی کئے گئے اسی طرح محکمہ جیل خانہ جات نے 365افراد کو صوبے کی مختلف جیلوں میں بغیر کسی اشتہار کے تعینات کیا جن میں پشاور سنٹرل جیل میں 59،مردان میں 40،بنوں میں 21،لکی مروت میں 29جبکہ چارسدی جیل میں 22افراد کو بغیر کسی اشتہار کے بھرتی کیا گیا
Thanks Shahab Lalla