آصف شہزاد
مجسٹریسی نظام کی تبدیلی کے با وجود سٹیشنری تبدیل نہ ہونے کی وجہ سے ڈپٹی کمشنر پشاور کے دفتر کی متعدد فائلیں رک گئیں جس کے باعث سائلین خوار ہوگئے صوبائی حکومت کی جانب سے بلدیاتی نظام کی تبدیلی اور صوبہ بھر میں مجسٹریسی نظام کے نفاذ کے بعد تاحال ڈپٹی کمشنر پشاور کے دفت میں سٹیشنری تاحال تبدیل نہ کرائی جا سکی جس کے باعث سائلین اپنے کاموں کے لئے ڈپٹی کمشنر کے دفتر کے چکر لگانے پر مجبور ہو گئے ہیں ڈپٹی کمشنر کے دفتر آنے والے کسی بھی مسئلے کے لئے آتے ہیں تو ملازمین ان کو نا ہی کوئی فارم دیتے ہیں اور نہ ہی ان کے مسائل کے لئے کوئی متبادل نظام بتاتے ہیں ملازمین کا کہنا ہے کہ تاحال سٹیشنری تبدیل نہیں ہوئی اور پرانی سٹیشنری کو ہم استعمال نہیں کر سکتے ہیں اس حوالے سے ڈپٹی کمشنر پشاور جاوید مروت کا کہنا ہے کہ سٹیشنری کے حوالے سے کام جاری ہے جلد ہی تمام متعلقہ سٹیشنری دفاتر میں مہیا کر دی جائے گی
No comments:
Post a Comment