پشاور(سپورٹس رپورٹر)پاکستان کرکٹ بورڈ کے زیر اہتمام پشاورریجن انٹرڈسٹرکٹ ویمن کرکٹ ٹورنامنٹ پشاورمیں شروع ہوگیا ۔پشاورتعلیمی بورڈ کے چیئرمین پروفیسر ڈاکٹر محمد شفیع آفریدی اس موقع پر مہمان خصوصی تھے جنہوںنے ہٹ لگاکر ٹورنامنٹ کا باقاعدہ افتتاح کیا۔اس موقع پر پشاورریجن کرکٹ ایسوسی ایشن کے صدر وصال درانی اور ویمن کرکٹ ارگنائزر رحم بی بی بھی موجود تھیں ۔ٹورنامنٹ کے پہلے روز پشاور ڈسٹرکٹ کی ٹیم نے ملاکنڈ ڈسٹرکٹ کی ویمن ٹیم کو شکست دی ۔آج 11فروری کو نوشہرہ اورسوات کی ٹیموںکے مابین مقابلہ ہوگا ۔ٹورنامنٹ کا فائنل میچ 16فروری کو تعلیمی بورڈ پشاور کے گرائونڈ پر کھیلا جائیگا۔
پشاور(سپورٹس رپورٹر)رائٹ ٹوپلے چلنج کپ فٹ بال ٹورنامنٹ خلیل کلب نے کنگ سٹار کلب کو 2-1گول سے شکست دیکر ٹرافی جیت لی۔فائنل کے موقع پرمہمان خصوصی فاٹا اولمپک ایسوسی ایشن کے سیکرٹری شاہد شنواری نے کھلاڑیوںمیں ٹرافیاں تقسیم کئے۔ٹورنامنٹ میں20کلبوں نے حصہ لیا،پہلے سیمی فائنل میں کنگ سٹار نے ہاکس کلب جبکہ خلیل کلب نے حاجی خان کلب کو ہراکر فائنل کھیلنے کا اعزاز حاصل کیا تھا۔فائنل میچ میں خلیل کلب کی جانب سے عابد اور سہیل نے ایک گول جبکہ کنگ سٹار کی جانب سے واحد گول جاویدنے کیا۔مہمان خصوصی شاہد شنواری نے دوٹیموں کے کھلاڑیوں کو ٹرافیاں تقسیم کئے ۔اس موقع پر ڈسٹرکٹ فٹ بال ایسوسی ایشن کے سیکرٹری شاکر اللہ اور ٹورنامنٹ کے ارگنازئر ظاہر شاہ سمیت کثیر تعداد میں کھلاڑی اور تماشائی موجود تھے۔
No comments:
Post a Comment