پشاور(سپورٹس رپورٹر آصف شہزاد اعوان)پشاورمیں جاری پشاور ریجن انٹر ڈسٹرکٹ ویمن کرکٹ ٹورنامنٹ کے دوسرے میچ میںنوشہرہ کی ویمن ٹیم نے سوات کو 19رنز سے شکست دی ،پول اے میں آج 12فروری کو ملاکنڈ اور چارسدہ کی ٹیموں کے مابین میچ ہوگا۔پاکستان کرکٹ بورڈ کے زیر اہتمام تعلیمی بورڈ کے گرائونڈپرمنعقدہ پشاورریجن انٹرڈسٹرکٹ ویمن کرکٹ ٹورنامنٹ میں نوشہرہ ویمن ٹیم کی کپتان عارفہ حسام نے تاس جیت کر پہلے کود کھیلنے کا فیصلہ اور انہوںنے 25.1اوورز میں 99رنز بنائے ۔جسمیں نازنین نے بہترین بیٹنگ کا مظاہرہ کرتے ہوئے 23رنز،حاجرہ سرورنے 13اور طیبہ نے 7رنز بنائے ۔سوات ڈسٹرکٹ کی جانب سے سومی نے تباہ کن بائولنگ کرتے ہوئے 22رنز دیکر 4وکٹیں حاصل کیں،جبکہ روحیدہ اور عارفہ حسام نے دو،دو اور ثناء نے ایک کھلاڑی کو آئوٹ کیا۔اسکے جواب میں کھیلتے ہوئے سوات کی ویمن ٹیم22.3اوورزمیں80رنز پر آئوٹ ہوگئی ،ثناء نے 37اور روحیدہ نے 23رنز سکور کئے ۔نوشہرہ کی طرف سے رابعہ نے4،حاجرسرور نے 3اور عارفہ حسام نے ایک کھلاڑی کو پویلین کی راہ دکھائی ۔آج 12فروری کوملاکنڈ ورچارسدہ کی ٹیموں کے درمیان میچ کھیلا جائیگا۔
پشاور(سپورٹس رپورٹر آصف شہزاد اعوان)آل پاکستان انٹر بورڈ گرلزنیٹ بال ٹورنامنٹ حیدر آباد بورڈ کی ٹیم نے جیت لیا،فائنل میچ میں فاتح ٹیم نے فیصل آباد کو14کے مقابلے میں 16گول سے شکست دیکر ٹرافی اپنے نام کرلی،گوجرانوالہ نے تیسری پوزیشن حاصل کی۔تعلیمی بورڈ پشاور کے گرائونڈ پر کھیلے جانیوالے آل پاکستان انٹر بورڈ نیٹ بال ٹورنامنٹ میں پشاور،حیدرآباد،ایبٹ آباد،کراچی ،گوجرانوالہ،فیصل آباداورمردان بورڈزکی ٹیموں نے حصہ لیا۔گوجرانوالہ اور حیدرآباد کی ٹیموںکی کھلاڑیوںنے بہتر کھیل کا مظاہرہ کرکے فائنل تک رسائی حاصل کی ،جنکے مابین کھیلے گئے فائنل میچ میں حیدر آباد کی ٹیم نے 16جبکہ فیصل آباد کی ویمن ٹیم نے 14گول کئے ۔فاتح ٹیم کی جانب سے چندہ،عارفہ،صبائ،انعم،صوبیہ،نوالعین اور سارہ نے بہترین کھیل پیش کیا۔جبکہ تیسرے پوزیشن کیلئے منعقدہ میچ میں گوجرانوالہ بورڈ کی ٹیم نے مردان کو 6-10سے ہراکر تیسری پوزیشن کی حقدار ٹہری ۔
No comments:
Post a Comment